Icesave samkomulagið!

 

 

Breskir ráðamenn vilja ekki útkljá þetta með dómi, væntanlega vegna þess að þeir eru hræddir við að tapa málinu vegna þeirrar óvissu hvort við séum skyldug til þess að borga Icesave skuldirnar. Þá myndi allt komast í uppnám vegna þess að þetta gildir þá einnig um öll önnur útibú banka um alla Evrópu sem kunna að fara á hausinn. Þetta kemur sér mjög illa fyrir Evrópusambandið vegna þess að lög kveða ekki á um slíkar bankahamfarir. Mér finnst sjálfsagt að við borgum þær skuldir sem okkur ber að borga samkvæmt lögum en það er enn sjálfsagðara að við látum á það reyna hvort við eigum einhvern rétt í þessu máli.  Við ættum ekki að taka á okkur allan skellinn og alla þessa áhættu... bara vegna þess að það kemur betur út fyrir aðrar þjóðir.

Tölur eru á reiki hversu miklar eignir við höfum til ráðstafana. En talið er að heildarútlán landbankans nema 731 milljarði en talið er að þær muni rýrna um 70-80%, eða niður í rúmlega 550 milljarða ef að ég skil þetta rétt. Ef að þær upplýsingar sem ég styðst við reynast réttar, sýnist mér við skulda rúmlega 100 milljarða. Einnig heyrði ég að þegar hryðjuverkalögunum verður aflétt muni losna um 50 milljarðar til Íslands. Sem gefur mér að skuldin gæti jafnvel lækkað niður í 50 milljarðar. 50 milljarðar er ekki langt frá því að vera sú upphæð sem vextirnir eiga að vera af þessum lánum frá Bretum.

Eins og ég hef áður tekið fram við ættum engan vegin að taka á okkur alla þá áhættu sem fylgir þessu leiðindamáli, bara vegna þess að Evrópusambandið þorir ekki að reyna á það hvort tilheyrandi lög reynist ekki eins traust. Því finnst mér að Bretar ættu að koma á móts við okkur, taka yfir þessi útlán Landsbankans, hirða þessar 50 milljarða sem losna þegar hryðjuverkalögunum verður aflétt. Og leyfa okkur að borga hina 50 milljarðana eftir 7 ár þegar við höfum náð að ausa skítugu vatni úr þjóðarskútuni og ná okkur á rétt ról.

Væri þetta möguleiki eða er ég bara með einhverja draumóra sem geta ekki orðið að veruleika?

 

  

Sjálfstæðismenn til bjargar

Athugasemdir

[Guðmundur Ásgeirsson, 12.6.2009 kl. 15:34]

Hvurskonar Evrupeningur er þetta eiginlega? Á þeim eina sanna er Ísland ekki inni á kortinu!

[Guðmundur Gunnarsson 12.6.2009 kl. 17:20]

Bilunin er með slíkum eindæmum að til eru þingmenn sem ætla að skrifa undir samning sem þeir hafa aldrei lesið og fá ekki að lesa vegna þess að þeir sem eru að kúga þjóðina Bretar og Hollendingar banna að innihald samningsins er kunngert.

Er allt í lagi með ríkisstjórnarþingmennina?